［預備啦！］睇你點睇，同埋個Horizon幾長咯。
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。當然我唔係坐定定「我不想努力」，一星期至少出返六篇文，仲要之前有啲讀者贏到下錢嘅（但本人目標唔係玩畀冧把，係更高層嘅嘢）
1. 講真，有睇Patreon文都知近幾星期我都幾保守。債息又升咗，股票又升咗，值搏率低咗好多。加上一街都股神，更加係先兆
2. 你話美股今年有機會跌返四五千點（好多咩？十幾巴仙咋喎），絶對唔奇。但到時就係機會。當然，亦有可能你根本等唔到。係呀，可能發生，又可能唔發生。包生仔？
3. 你睇幾多perma bear 2008年一路等等等，係咁話「印銀紙」解決唔到問題（但解決咗我好多問題）。鬧鬧鬧，好快股災。等足12年。你可以睇下中途 大家樂貴咗幾多，太古城貴咗幾多，上東莞（食米粉啩，聽朋友講，我從冇去過）貴咗幾多。
4. 好啦，等到2020年，等到啦，又點？「死緊好多人呀」（事實）「經濟大衰退呀」（都係事實）。但，又點？
5. 12月嘅「小非農」。街估升6萬個職位，結果跌12萬個。仲係4月嚟第一次跌。而11月係升30萬個。差到七彩
6. 但，「即係冇得加息啦」。「又要撻返著印銀紙機」。你咪鬧聯儲局無良，但世界唔因你主觀意願改變。
7. 關於乜乜「股市脫離實體經濟」呢句嘢嘅虛妄，我在 Patreon 文至少寫過三四篇，過萬字。你鍾意慢慢睇。但懶嘅，我咪已經答咗你，跌返四五千點，唔係咩出奇咯。奉旨日日升？
8. 再講白啲，你咪當可能2020咁重演咯，但小型啲咁解。講到好明啦？
9. 事實喎，中國經濟講緊放慢（仲有人覺得舊年復蘇假嘅，咁你即係話Nike LV 愛瑪士全部講大話，全部都比中共收買呀可？慢慢）。英國再封城，已經估雙底衰退。美國再見到就業數字咁差。可能就2020重演咁咯。
10. 咁，睇你係舊年3月打靶嗰個，係舊年3月鬧財演昆你買股票嗰個，定係3月訂Patreon嗰個啦（講笑，舊年3月根本未開，但已開始homeblogger 收費專欄，算係前身，我就唔係升晒先出嚟寫文想坐順風車的）
11. 拿，坐穩啦。免費嘢畀咗咁多，冇click bait，對得住你，Patreon仲精彩．你可以問返啲讀者。唔好話咩發達，但至少學到唔少嘢啦。而冇苦勞都有肺癆呀，2021年頭5日，我已經寫咗10篇Patreon．篇篇三千字。
＝＝＝＝＝＝＝＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，4個月已1000人訂！（https://bityl.co/4Y0h）。月頭訂至抵，年費仲有85折，仲係睇13個月添。
Search